Səfirlik azərbaycanlıların qanunsuz miqrant kimi qeydə alınmaması üçün hərəkətə keçdi
Tarix: 1-07-2020, 13:21 | Çap et
Səfirlik azərbaycanlıların qanunsuz miqrant kimi qeydə alınmaması üçün hərəkətə keçdi
Azərbaycanın Kiyevdəki səfirliyi Ukraynanın müvafiq orqanlarına müraciət ünvanlayıb.

Oxu.Az-ın xəbərinə görə, bu barədə səfirliyin məlumatında bildirilir.

Müraciət Ukraynada yaşayan azərbaycanlıların koronavirus pandemiyası ilə əlaqədar qanunsuz miqrant statusuna düşməmələri və öz fəaliyyətlərini hüquqi zəmində tənzimləmələri ilə bağlıdır.

Müraciətdə qeyd olunur ki, 2020-ci ilin yanvarın 1-dən etibarən müddəti bitmiş bütün növ pasportların 31 dekabr 2020-ci il tarixinədək uzadılmış hesab olunsun.

“Diqqətinizə çatdırırıq ki, müddəti bitdiyi üçün uzadılmış hesab olunan pasportlar yalnız Ukrayna ərazisində etibarlı hesab olunur.

Korlanmış, vaxtı keçmiş pasportu olan və ya pasportunu itirmiş vətəndaşlarımız Azərbaycan Respublikasına qayıtmaq istəyəndə qayıdış şəhadətnaməsi almaq üçün səfirliyə müraciət etməlidirlər”, - deyə səfirlik bildirib.




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net