Şair Alxsaov narazılıq yaradır
Tarix: 27-05-2020, 10:24 | Çap et
Şair Alxsaov narazılıq yaradır
Şair Alxasovun yarıtmaz fəaliyyətinin artıq Qusar camaatını bir sıra təsirli addımlara baş vurmağa vadar etdiyini vurğulayan mənbə Vertikal.Az-a açıqlamasında iddia edir ki, əhali icra başçısı Şair Alxasovun daha perspektivli və işgüzar birisilə əvəzlənməsini, rayonun problemlərinin tez bir zamanda həll olunmasını, eləcə də işsizlik probleminin aradan qaldırılmasını tələb edir. Qusar Rayon İcra Hakimiyyətinin başçısının komandasında təmsil olunan bəzi səlahiyyət sahiblərinin əhaliyə, əsasən də sahibkarlara göz verib işıq vermədiyini deyən məlumatlı şəxs hesab edir ki, bu vəziyyət çox davam edə bilməz:

"Qusar rayon sakinlərinin səbri tükənmək üzrədir. Odur ki, aidiyyəti qurumlar tez bir zamanda məsələyə müdaxilə etməli, yaranmış problemin həlli istiqamətində ciddi işlər görməlidirlər".

Şair Alxasovun nüfuzlu məmurlardan birinin adından istifadə edərək, uzun illərdən bəri torpaq, bağ sahibi olan əhalini müxtəlif üsullarla malik olduqları torpaq sahələrindən imtina etməyə vadar etdiyini deyən mənbə iddia edir ki, kimini həmin nüfuzlu məmurun adından istifadə etməklə qorxudaraq, kimini isə çox ucuz qiymətə bağ yerini satmağa məcbur edərək böyük bir kampaniya aparan icra başçısı və onun yaxın adamları artıq onlarla bağ sahəsini, geniş əraziyə malik torpaqları ələ keçiriblər: "Nəhayətdə, bütün bu faktlar başçının yola salınması ideyasının müzakirəsini labüd edib".

Vertikal.Az-a danışan mənbə iddia edir ki, sakinlər hətta hüquq-mühafizə orqanlarının Qusarda da əməliyyat keçirməsi üçün dövlət başçısına müraciət də ünvanlayıblar.

Qarşı tərəfin də münasibətini yaymağa hazırıq.





Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 070 209-30-39 E-mail : [email protected]
Designed by Daraaz.net