Üzü inkişafa doğru gedən Qazax -FOTOLAR
14-03-2019, 06:41. Yazar: admin
Qazax o rayonlardandır ki, ölkəmizə neçə-neçə tanınmış sima bəxş edib. Yəni Qazax rayonu xatırlananda ilk olaraq yada düşən məhz onun görkəmli şəxsiyyətləridir. Ən azından dünənə qədər belə idi və bu gün də deyə bilərik ki, artıq Qazax həm də bir gözəllik, həm yerli və həm də xarici qonaqlarımızın fərəhlə üz tuta biləcəyi yaşıllıq, təmizlik ünvanıdır...
İlk nəzərə çarpanı təmizlik oldu...
Təbii ki, bütün ölkədə sonillərdə cərəyan edən sosial-iqtisadi inkişaf özünü Qazax rayonunda da nəzərə çarpdırmalı idi. Amma fakt faktlığında qalır ki, heç də bütün göstərişlərə, tapşırıqlara, ümumi siyasətə hər dəfəsində gərəkən reaksiya verilmir. Yəni iş icraçılarının da yeniləşən Azərbaycanın inkişafı prosesində müstəsna iştirakı var və bu danılmazıdır.
Odur ki, ilk olaraq Qazax rayonuna qədəm basdıqda müşahidə etdiyimiz təmizliyə görə, bu işin əsas icraçılarını - başda qeyd olunan təqdirəlayiq məqamı ərsəyə gətirən rayon rəhbərliyi olmaqla, bu gün həmin təmizliyə riayət edən qazaxlıları da təbrik etməyinə dəyər.
Təmizlik mövzusuna təsadüfi toxunmadıq...
Bəli bu mövzuya təsadüfi toxunmaqdır. Məlumdur ki, Qazax rayonu həm də bir cəbhə bolgəsidir və 1-ci Qarabağ savaşı dövründə böyük şücaət göstərən qazaxlılar məhz illər idi ki, rayondakı abadlıq-quruculuq işlərinin ürəklərincə olmamasından giley edirdilər.
Bu səfər isə rastımıza çıxan mənzərənin bizi nə qədər heyrətləndirdiyini ifadə etməyinə dəyər. Sanki Avropanın hansısa inkişaf etmiş ölkəsinin əyalət mərkəzlərinin birindəsən. Məhz bu fakt belə deməyə əsas verir ki, Qazax ümumilikəd olaraq bir rayon kimi ölkə prezidenti cənab İlham Əliyevin yürütdüyü İNKİŞAF STRATEGİYASINA tələblərə uyğun şəkildə ayaq uydurmaqdadır. Yəni Qazax rayonu ümumölkə inkişaf dalğasının bir parçası olduğunu layiqincə ifadə edir, desək, yanılmarıq.
Bunu isə nəzərə çarpdıran əsas detallardan birinin məhz Qazax rayon mərkəzində müşahidə etdiyimiz quruculuq, abadlıq,yenilənmə və gözəllik olduğunu xüsusi vurğulamaq istərdik.
Sakinlər nə düşünür?
Təbii ki, biz DİA.AZ olaraq heç bir zaman boğazdan yuxarı söz deməmişik və deyilməsinin tərəfdarı da olmamışıq. Odur ki, Qazaxın ilk olaraq diqqətimizi cəlb edən zahiri gözəlliyi ilə yanaşı, qazaxlıların da əhvalı bizim üçün çox vacib idi.
Qeyd edək ki, söün əsl mənasında bir vətənpərvər ovqata sahib olan qazaxlılarda diqqətimizi hədəfləyən əsas keyfiyyət gələcəyə olan BÖYÜK İNAM oldu. Bəli, artıq Qarabağ savaşının həllindən də böyük coşqu ilə danışan, hər kəlməsində “cənab prezident əmr versin, gedib İrəvanda oturaq” deyərək qəlbimizi dağlara qaldıran Qazax sakinlərini əslində bu qədər yüksək ovqata kökləyən başlıca amilin məhz bütün ölkədə olduğu kimi onların rayonlarında da ən yüksək temlə cərəyan edən YENİ İNKİŞAF DALĞASI olduğu şəkksizdir.
İcra başçısını, məmurları sonuncu dəfə nə zaman görmüsünüz?
“İcra başçısını, məmurları sonuncu dəfə nə zaman görmüsünüz?” sualını ünvanlayara, əsl məmur-vətəndaş münasibətini də öyrənməyə çalışdıq. Qarşımıza çıxan ilk rayon sakinlərindən “1 saat əvvəl Məhəmməd müəllim (başçının müavini –red.) burda idi”, “Gündüz müəllim (icra hakimiyyətininməsul şəxslərindən biri –red.) bayaq burda idi, nəsə demək istəyirsinizsə, telefonu məndə var, zəng edim”, “Rəcəb müəllimlə (icra başçısı red.) dünən parkda rastlaşdıq, elə salamlaşıb, getdim” və digər buna bənzər cavabları eşitdik.
Hər halda, rayon sakinləri arasında apardığımız mini-sorğu və rayonda müşahidə etdiyimiz əhval-ruhiyyədən də belə qənaətə gəlmək olardı ki, rastımıza çıaxanlar elə Qazaxın ümumi ovqatını ifadə edirlər.
Bəli, gəldiyi ilk günlərdən məhz prezident İlham Əliyevin göstərdiyi etimadı şərt kimi qəbul edib, əsas məqsədinin məhz xalqa xidmət etmək olduğunu bütün addımları ilə nümayiş etdirməyə çalışan Rəcəb Babaşovdan sakinlər bir icra başçısı olaraq nəinki giley etmədilər, əksinə, ağızdolusu danışdırlar və başçının hər bir xırda detala, fakta belə xüsusi həssaslıqla yanaşdığını vurğuladılar. Dedikləri o oldu ki, Qazax bu vaxta qədər bu qədər rahat olmayıb.
Hər kəsə dövlət dəstək olur...
Bütün ölkədə olduğu kimi Qazaxda da sakinlər dövlətin ümumiqayğısı ilə əhatələnib. Rayonda həyata keçirilən abadlıq-quruculuq işləri ilə yanaşı, fermer təsərrüfatlarının inkişaf etdirilməsi, kəndlilərin dövlətin gücünü arxasında hiss edərək təsərrüfata cəlb olunması müşahidə etdiyimiz prioritet dəst-xətt kimi qeyd olunmalıdır.
Təbii ki, belə olan təqdirdə yalnız birsözü demək olar: Qazax rayonu Azərbaycanın ümumi inkişaf xəritəsində layiqincə təmsil olunur...
Hələliksə, bu qədər... Növbəti yazımızda Qazaxda kənd təsərrüfatının ayrı-ayrı sahələrinin necə inkişaf etdirilməsindən yazacağıq... Bizi iziləməkdə davam edin.
Bakı-Qazax-Bakı,
DİA.AZ
Geri dön