Wikileaks saytının qurucusu Culian Assancın Ekvador səfirliyində gələcək müddətdə qalması onun səhhəti üçün təhlükə yaradacaq. FaktXəbər-in verdiyi məlumata görə, bu barədə jurnalistə baxış keçirən həkimlər qənaətə gəliblər.
Sondra Krosbi və Brok Çişolm adlı həkimlər "The Guardian" qəzetində dərc edilmiş məqalədə qeyd ediblər ki, cəmiyyətdən təcrid olunmaq Culian Assanca həm fiziki, həm də psixi cəhətdən mənfi təsir göstərir.
""Müddətsiz həbs" onun depressiya düşməsinə və intihara meyillənməsinə səbəb ola bilər. Daimi olaraq diplomatik nümayəndəlikdə qalmaq fiziki baxımından yaxşı deyil. Assanc beş il yarım müddət günəş işığını görməyib",-deyə həkimlər vurğulayıblar.
