"Rabitəbank" uzaqdan təhsili yaxın etdi
Tarix: 1-07-2020, 11:03 | Çap et
"Rabitəbank" uzaqdan təhsili yaxın etdi

“ASAN xidmət” və “Rabitəbank” ASC-nin birgə təşəbbüsü ilə reallaşdırılan “Təhsiliniz Gələcəyimizdir” layihəsi davam edir.

ASC-dən "APA-Economics"ə verilən məlumata görə, sosial təşəbbüs çərçivəsində uzaqdan təhsilə uşaqlar uzaq qalmasın deyə bu dəfə “Acer” şirkətinin dəstəyi ilə Ağcabədi rayonunun Taxtakörpü qəsəbəsinin Mişni obasında həssas əhali qrupuna aid edilən ailələrin üzvü olan və tədris müddətində fərqlənən şagirdlərə “Acer” markalı notbuklar, həmçinin 1 illik pulsuz internet paketləri təqdim olunub.

Layihənin məqsədi şagirdlər üçün fasiləsiz təhsili təmin etmək, yeni bilik və bacarıqlar əldə etmələrinə dəstək göstərməkdir. 27-ci fəaliyyət ilini tamamlayan “Rabitəbank” korporativ sosial məsuliyyət strategiyasına sadiq qalaraq aztəminatlı ailələrin uşaqlarına dəstək olmağa, ölkədə təhsil səviyyəsinin yaxşılaşmasına öz töhfəsini verməyə davam edir.

Layihə təşkilatçıları uşaqlara dərslərində müvəffəqiyyətli olmalarını, yaxşı biliklərə sahiblənməyi və gələcəkdə öz ölkələrinin tanınmış mütəxəssisləri olmağı arzu edir və hər kəsi gələcəyimiz olan sağlam təhsilli gənclərin yetişməsi üçün dəstək göstərməyə, onlar üçün təhsilin davamlılığını təmin etməyə biganə qalmamağa çağırır.





Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net