Mətbuatın 145 illiyinə 145 könüllü ilə: PJB-dən möhtəşəm layihə
Tarix: 20-06-2020, 02:43 | Çap et
Mətbuatın 145 illiyinə 145 könüllü ilə: PJB-dən möhtəşəm layihə

Bakı Dövlət Universitetinin (BDU) Jurnalistika fakültəsi Azərbaycan Milli Mətbuatının 145 illik yubileyi münasibətilə “Zərdabi” Media Könüllüləri layihəsini reallaşdıracaq.



Parlament Jurnalistləri Birliyindən (PJB) Modern.az-a verilən məlumata görə, layihənin ideya müəllifi və icraçısı PJB üzvü, ASAN Radionun Baş redaktoru İlkin Kərimovdur.

Layihə Prezident cənab İlham Əliyevin “Azərbaycan Respublikasında 2020-ci ilin “Könüllülər ili” elan edilməsi haqqında Sərəncamı və Parlament Jurnalistləri Birliyinin yubileylə əlaqədar start verdiyi işlər planı çərçivəsində həyata keçiriləcək.


Parlament Jurnalistləri Birliyinin təşəbbüsü ilə yaradılacaq “Media Könüllüləri Təşkilatı”nın (MKT) üzvləri ilkin olaraq Bakı Dövlət Universitetinin (BDU) Jurnalistika fakültəsinin I-IV kurs tələbələrindən ibarət olacaq. Başlanğıcda könüllülərin sayı Milli Mətbuatın yaranmasının 145 illiyinə uyğun olaraq, 145 nəfər (tələbə-könüllü) təşkil edəcək. Təşkilat üzvləri PJB-nin təmsil olunduğu media qurumlarda təcrübə keçmək imkanı əldə edəcəklər. Fəal tələbələr isə qurumun idarə heyətində yer alacaq.

“Zərdabi” Media Könüllüləri layihəsinin məqsədi Azərbaycanda könüllülük hərəkatına dəstək vermək, yerli və beynəlxalq əhəmiyyətli tədbirlərə qoşulmaq, ictimai-siyasi həyatda aktiv xidmət və təbliğat aparmaq, tələbələrin jurnalistika sahəsində bilik və bacarıqlarını artırmaqdır.




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net