Zərdab təhsil şöbəsinin müdiri müəllimlərin maaşını kəsib
Tarix: 24-01-2018, 06:35 | Çap et
Zərdab təhsil şöbəsinin müdiri müəllimlərin maaşını kəsib
Zərdabda orta məktəb müəllimlərinin və texniki işçilərin maaşlarından hər ay 30-40 manat miqdarında kəsilir. Bu barədə məlumatı bir qrup Zərdab rayon sakini AzEuroNews.com–un elektron poçtuna göndərdikləri şikayət məktubunda veriblər.

Onların sözlərinə görə, müəllim və texniki işçilərin maaşının tutulması ilə bağlı göstərişi rayon təhsil şöbəsinin müdiri Lalə Əmirəliyeva verib.

► Şikayət məktubunda deyilir: “Zərdab rayon təhsil şöbəsinin müdiri Lalə Əmirəliyevanın korrupsiya əməlləri nəticəsində rayonda təhsilin vəziyyəti iflic olub. Zərdab rayon orta məktəblərində açıq-aşkar alver gedir. Rayon ümumi orta məktəbini 2010-cu ildə Kür çayının daşması nəticəsində su basdığından şagirdləri təhsillərini davam etmək üçün 2 nömrəli orta məktəbə köçürdülər. Sel basdığı üçün yararsız vəziyyətə düşüb işləməyən həmin məktəbdə adı işdə gedən müəllimlərin maaşlarının yarısı, texniki işçilərin maaşlarının isə hamısı təhsil şöbəsinin müdiri Lalə Əmirəliyeva tərəfindən mənimsənilir. Rayonun orta məktəblərində müəllimlərin əmək haqqından 30-40 manat pul tutulur, texniki işçilərdən isə 20 manat pul tutulur ki, bu küllü miqdarda vəsait edir. Süpürgəçilərin maaşları 118 manat etsə də 99 manat pul alırlar“.

Şikayətçi rayon sakinləri məktublarında vurğulayırlar ki, Lalə Əmirəliyevanın fikiri ancaq nəyin bahasına olur-olsun pul qazanmaqdır: “Zərdab şəhər 1 nömrəli tam orta məktəbi üç ildir ki, təmir adı ilə bağlanılıb. Həmin məktəbdə işçilərin əmək haqlarının yarısı Lalə Əmirəliyeva tərəfindən mənimsənilir. Rayonda təhsilin səviyyəsi çox-çox aşağıdır, davamiyyət yoxdur. Elə şagirdlər var ki, valideynləri ilə Rusiyada yaşasalar da onların adları burada-dərsdə gedir. Gəlin baxın, rayon ərazisində məktəblərin əksəriyyəti uçuq-sökük, bərbad vəziyyətdədir. Qazı olmayan odunla isidilən məktəblərdə şagirdlərdən odun pulu yığılır. Odun doğrayan ştatı üçün aylıq maaş 160 manat etsə də, 110 manat verilir. 50 manat dizel yanacağı adı ilə Lalə Əmirəliyevaya çatır. Qəbul imtahanında keçid balını topalaya bilməyən müəllimləri daxili müqavilə ilə qanunsuz olaraq əmək haqqının yarısını götürmək şərti ilə işlədirlər. Bu isə şagirdlərin savadsızlığına gətirib çıxarır. Çünki bal toplamağa savadı olmayan müəllim hansı mükəmməl təhsili verə bilər ? Zərdab rayon təhsil şöbəsinin müdiri Lalə Əmrəliyevanın korrupsiya əməlləri bununla bitmir. Biz mətbuat vasitəsi ilə prezident cənab İlham Əliyevə, Mehriban xanım Əliyevaya müraciət edirik. Sizdən çox-çox xahiş edirik Zərdab təhsilini öz maraqlarına görə məhv edən Lalə Əmirəliyevanın korrupsiya əməllərini ciddi araşdırıb barəsində tədbirlər görülməsinə tapşırıq verəsiniz”.

Zərdab rayon sakinləri:

1.Əhmədov Cəmayə Tahir qızı

Əliyeva Cəmilə Kamil qızı
Məmmədov Qənimət Tehran oğlu
Salahov Rahim Çingiz oğlu
5.Vəliyev Hidayət Ramiz oğlu



► ► ► Redaksiyadan: Mövzu ilə bağlı Zərdab Təhsil Şöbəsi ilə əlaqə yaratmaq cəhdlərimiz heç cürə alınmadı. Qarşı tərəfin də mövqeyini öyrənib dərc etməyə hazırıq…



Xəbərlər
 
 
 
 
 
 
 
 
 
 
14-02-2018 05:52
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 055 561-86-85 E-mail : vertikal-az@mail.ru
Designed by Daraaz.net